GELDITU

Oinez askotan ez dugu asmatzen

norantza, ordua, haizea;

aurkituko duguna gure aurrean.

Eta arindu eta arindu eta arindu,

bilatu, bilatu eta bilatu,

birak eta birak ematen ditugu!

Egunari ihesi korrika,

hasperen batean etsita,

beste arintze, bilatze eta bira bat

jakin nahian zer den

gertatu eta izango dena

txoriak entzuteari uzten

diogu eta gaua egiten da.

Geldituko bazina entzutera

zuhaitzak, zuri begira,

zerua batu nahian

zure irrian

lasai biziko zinateke,

beldurrik gabe maitatzen,

elkarrekin ogitartekoak jaten,

ahateak elikatzen

KUAK! KUAK!

Urtxintxa bat jaisten da,

une txiki batean,

adi arnasten zeundela,

hitz egin gabe, orain,

bere begietan eskainiz

erantzuna:

Ibilbidea

zu zeu

zara.