NAHI DUT

Nahi dut egon

zure alboan,

elkarrekin aukeratzeko

non askatu

hurrengo algarak,

hurrengo malkoak.

Elkarrekin loratzea

dudan oparirik politena baita.

Nire sustraiak luzatu nahi ditut

zure bihotzean,

ondorengo bideez,

ondorengo tximeletetez.

Apurtuko ditugu

ezagutu diren koloreak.

Nahi dut egon

nahasketa guztietan,

zure iritzi aldaketetan,

nire ideia xelebreetan.

Bata bestea eta mundua

entzuten, aztertzen.

Nahi dut egon

iritziak partekatzen,

nire burua ezagutzen,

izan nahi duguna bilatzen,

amaigabe,

nahi dut

egon

hazten.