DENBORA

Orduei buelta eta buelta eta buelta

ematen dio munduak arrazoia denborari.

Nik ez dut hau gelditu nahi baina nire alde jarri.

Eta ixten ditut begiak

aurrera joatea ahaztuz,

unea sentitu, besarkatzeko.

Eskertuz eskua ematen didatenei

denborari baino lehen,

haien minutuak oparituz.

Norenak dira zure minutuak?

Estutu ordez, hauek handitu egiten dira

maite ditugunekin gureak partekatzean;

eta hala,

galdetzen didatenean zenbat bizi izan naizen,

biderkatuko ditut konpainia onean pasatutako orduak.

Betierekoa izango zara nire formulan?

Maitasun bihurriz, ez baitzaitut ahazten.

Zurea beti,

Denbora