ITXAROPENA

Zure itxaropena mirari

iruditzen zait.

Begietan eraikitzen duzu

gorde daitekeen denbora

besarkatuz.

Itxaroten nauzu,

une zehatza ezagutzen duzu

eta galdetzen didazu,

nire itzalak entzuten

argitzeko.

Baina ez da horregatik

maite zaitudala,

zure kemena miresten dut

hitzik gabe guztia esateko

eta, hitz egitean,

mundua isilarazteko.

Desberdinak izanda

elkar ulertuz,

minen beste aldean

aurkituko nauzu.

Nire aurretik zen denborarengatik,

izango denagatik gure ondoren,

itzultzen garelako oinarrira

eta pentsatzen zaitut.

Hutsunerik ez delako zure begiradan,

adoretsu egiten nauzu, ama.