LIBURU BAT

Zer da ba liburu bat,

beste unibertso bat ez bada?

Pisurik gabe irekitzen da

bere barnean eteteko

begiratzeko zaila dena.

Zure burua ezagutzeko

hitz tarteen artean.

Zer da ba liburu bat,

beste etxe bat ez bada?

Ezjakintasunaren jolas,

bizitza berriro eraikita

espazio amaigabeetan,

eseri eta entzuteko

pizten zaituen hotsa.

Zer da ba liburu bat,

belaunaldien soinua eta

sentipena, ez bada?

Zirraren aurrerapen gisa,

zoriontsu izateko

ametsen eskailerak; orri,

letra; bihotzez nahi duzuna.

Zer da ba liburu bat,

aurpegi bat ez bada?

Mugituko delako

bilatu gabe zu harritzeko,

nahiko nuke izan liburu bat,

zure oroitzapenetan

pentsamendu bilakatzeko.

Zer da ba liburu bat?

Gizakion poza eta mina,

itxaropena sinatuta.

Zuretzako izan nahi dut

ezkutaleku bat;

zuretzako izan nahi dut

betirako den liburu bat.