MARIGORRINGO BAT EDO BI

Nire ohe gainean

itxaroten zegoen, marigorringoa.

Ondoan eseri nintzaion

nire bakardadearekin.

Ohera sartu nintzen,

eta jarraitzen nuela pentsatuz,

lo geratu nintzen,

zelai zabal batean esnatuz.

Han zeunden zu, ikusi ez zintudan arren.

Han nintzen zuregatik, eta ez zenekien.

Garbitu dut goizean aurpegia

marigorringo baten aurrean

eta zelai amaigabea ikusi dut,

nire bihotzeko hego eta orbanekin

zeharkatuko dudana.